મેં લોકલ પોલીસ સ્ટેશનમાં ફોન કરીને આ અંગે મદદ માંગી – નીરવ ઠકકર

સમગ્ર મામલે અટલાદર શેલ્ટર હોમનું સંચાલન કરતા અને શ્રવણ સેવાના ફાઉન્ડર નીરવ ઠકકર જણાવે છે કે, વડોદરાના પૂર્વ મેયર અને સાયજીગંજના ધારાસભ્ય કેયુરભાઈ રોકડીયા દ્વારા તેમના મેયર તરીકેના કાર્યકાળ દરમિયાન છેલ્લા દિવસે નિઃસહાય વૃદ્ધો માટે અટલાદર શેલ્ટર હોમના દરવાજા ખોલાવ્યાં હતા. શેલ્ટરમાં આશરો લઈ રહેલા ધીરુભાઈની ઉંમર આશરે 55 વર્ષ છે. તેઓ અવાર નવાર તેમના પરિવારને યાદ કરતા હતા. પછી મેં ધીરે ધીરે તેમની સાથે સંવાદ સાધીને પરિવાર વિષે વધુ જાણવાનો પ્રયાસ કર્યો. તેમની સાથે વાતચીત દરમિયાન તેમણે કહ્યું કે, તેઓનો પરિવાર વલસાડના ડુંગરી વિસ્તારમાં રહે છે. વાત જાણતા જ મેં લોકલ પોલીસ સ્ટેશનમાં ફોન કરીને આ અંગે મદદ માંગી હતી.

જ્યારથી મારા પિતા ગુમ થયા છે, ત્યારથી અમે અલગ અલગ જગ્યાઓએ જઈને માનતા રાખી રહ્યા છે

નીરવ ઠક્કરે જણાવ્યું કે, સ્થાનિક પોલીસે ધીરુભાઈની ઓળખ કરી લીધી હતી. અને તપાસમાં સામે આવ્યું કે ચોપડે ધીરુભાઈ પટેલ ત્રણ વર્ષથી લાપતા હતા. આજે ધીરુભાઈ પટેલને તેમનો પરિવાર પોલીસ સાથે રાખીને લેવા આવ્યો હતો. ધીરુભાઈની જોતા જ તેમના પુત્રોની આંખોમાં આંસુ આવી ગયા હતા. તેમના પુત્રએ જણાવ્યું કે, જ્યારથી મારા પિતા ગુમ થયા છે, ત્યારથી અમે અલગ અલગ જગ્યાઓએ જઈને માનતા રાખી રહ્યા છે. છેલ્લે ધીરે ધીરે અમે પણ આશા ગુમાવી રહ્યા હતા. પણ અચાનક પોલીસે સંપર્ક કરતા અમે 24 જ કલાકમાં અમારા પિતાને લઈ જવા આવ્યા છીએ. પુત્રએ તેમન પણ જણાવ્યું કે, ઘરમાં બોલાચાલી બાદ મારા પિતા નીકળી ગયા હતા. આજે ત્રણ વર્ષ બાદ તેઓ મળી આવતા અમારા જીવમાં જીવ આવ્યો છે.

પરિવારને જોઈને ધીરુભાઈ પણ લાગણીસભર થઈ રડી પડ્યા હતા

નીરવ ઠક્કરે વધુમાં ઉમેર્યું કે, પરિવારને જોઈને ધીરુભાઈ પણ લાગણીસભર થઈ રડી પડ્યા હતા. જતા જતા તેમને શ્રવણ સેવાની ટીમને આશીર્વાદ આપ્યા હતા. અને આ સેવા વર્ષોવર્ષ ચાલે, અનેક લોકોને તેમનો પરિવાર મળે તે માટે કાર્યરત રહે તેવી આશા વ્યક્ત કરી હતી. આ ખુશીના હકદાર શ્રવણ સેવા સંસ્થાની સાથે ધારાસભ્ય કેયુર રોકડીયા, પાલિકાના UCD ડિપાર્ટમેન્ટના ક્રિષ્નાબેન સોલંકી અને તેમની ટીમ તથા અમારી સાથે જોડાયેલા અન્ય સેવાભાવી લોકો પણ છે.

દોઢ મહિને નાનાભાઈ પરમારને પણ મળ્યો પરિવાર

નીરવ ઠક્કરના જણાવ્યા અનુસાર, શ્રવણ સેવાના શેલ્ટરમાં આશરો લઈ રહેલા નાનાભાઈ પરમાર દોઢ મહિનાથી ઘરેથી નીકળી ગયા હતા. પરત જવાનો કોઈ રસ્તો ન મળતા તેઓ નિઃસહાય જીવન વ્યતીત કરતા હતા. તેમને વાતચીતમાં તેમનો પરિવાર કોટમબીમાં રહેતા હોવાનુ જણાવ્યું હતું. સ્થાનિક પોલીસે ગ્રામપંચાયતનો સંપર્ક કરીને પરિવારની ભાળ મેળવી હતી. અને આજે તેઓને લેવા પહોંચ્યા હતા. આજે એક જ દિવસમાં બે લોકોને પરિવારનો ભેંટો થયો હતો. M)8000402870 Shravan Seva

૪૦ મી સ્ટેટ માસ્ટર એથલેટિક્સ માં ગણવેશધારકોએ વગાડ્યો વડોદરાનો ડંકો…
વડોદરા શહેર પોલીસના રમતવીર જવાનો અને અધિકારીઓ એ રાજ્ય કક્ષાની સ્પોર્ટ્સ ઇવેન્ટમાં ૧૫ જેટલાં ચંદ્રકો જીતી લઇને રંગ રાખ્યો છે.
તાજેતરમાં દ્વારકા જિલ્લામાં રમાયેલી ૪૦ મી સ્ટેટ માસ્ટર એથલેટિક્સમાં આ ગણવેશધારીઓએ શહેર પોલીસ દળનું નામ રોશન કર્યું છે.

તાજેતરમાંતા ૨૭-૨૮ નવેમ્બર 2021 ના રોજ દ્વારકા જિલ્લા ખાતે ૪૦મી સ્ટેટ માસ્ટર એથેલેટિક્સ ચેમ્પિયનશિપ 2021 યોજવામાં આવી જેમાં ઉમર ના આધારે અલગ અલગ ઓપન સ્પોર્ટ્સ કોમ્પીટીશન નું આયોજન કરવામાં આવ્યું હતું. તેમાં દરેક જિલ્લા ના પોલીસ અધિકારી તેમજ કર્મચારી સાથે સ્થાનિક ખેલાડીઓ એ પણ ભાગ લીધો હતો.
આ સ્પર્ધાઓમાં વડોદરા સીટી પોલીસ કમિશ્નર શ્રી ડો. શમશેરસિંહના માર્ગદર્શન હેઠળ વડોદરા સીટી પોલીસ ના અધિકારી તેમજ કર્મચારીઓ એ ઉત્સાહભેર ભાગ લઈ અલગ અલગ કેટેગરીમાં મેડલ મેળવી વડોદરા સીટી પોલીસ નું નામ ગુજરાત સ્તરે રોશન કર્યું છે
આ સ્પર્ધાની ૩૫ -૪૦ ઉમર વર્ષ કેટેગરીમાં વારસીયા પોલીસ સ્ટેશનમાં ફરજ બજાવતા પો.સ.ઇ અરુણ મિશ્રાએ ૨૦૦ મીટર ની દોડમાં તથા ગોળાફેંકમાં ફર્સ્ટ આવી ગોલ્ડ મેડલ તેમજ ૪૦૦ મીટર ની દોડ મા સિલ્વર મેડલ,
૪૦- ૪૫ ઉમર વર્ષ કેટેગરીમાં હે.કો શેરજમાન બ્લોચ એ ૪૦૦,૮૦૦ તથા ૧૫૦૦ મીટરની દોડમાં ગોલ્ડ મેડલ પ્રાપ્ત કરી જોશનું પ્રદર્શન કર્યું છે.
જ્યારે ૪૫-૫૦ ઉમર વર્ષ કેટેગરીમાં કોન્સ્ટેબલ નિશાંત શિવાજીરાવએ ૨૦૦ મીટર ની દોડ મા ગોલ્ડ મેડલ તથા ૧૦૦ મીટર ની દોડ માં બ્રોન્ઝ મેડલ મેળવ્યો છે તો ૪૫-૫૦ ઉમર વર્ષ કેટેગરીમાં એ.એસ.આઇ. સલીમ ઇબ્રાહિમએ ૫ કીમી અને ૧૫૦૦ મીટર ની દોડમાં સિલ્વર તથા ૮૦૦ મીટર ની દોડમાં બ્રોન્ઝ મેડલ પ્રાપ્ત કરી ખેલ કુશળતા બતાવી છે.
૪૫-૫૦ ઉમર વર્ષ કેટેગરીમાં પોલીસ હે.કો હસન ઇબ્રાહિમએ ૪૦૦ મીટર ની હર્ડલસ (વિઘ્ન દોડ) માં તેમજ ૧૫૦૦ મીટર દોડમાં તથા ૫ કિમી ક્રોસ કન્ટ્રી માં ગોલ્ડ તેમજ ૮૦૦ મીટરની દોડમાં સિલ્વર મેડલ પ્રાપ્ત કર્યો છે.
૪૫-૫૦ ઉમર વર્ષ કેટેગરીમાં પોલીસ કોન્સ્ટેબલ રમેશ ભાઈ ઠાકુરએ ૪૦૦ મીટર ની હર્ડલ્સ (વિઘ્ન દોડ) માં બ્રોન્ઝ મેડલ પ્રાપ્ત કર્યો છે.

આવુ ઉત્કૃષ્ટ પ્રદર્શન કરી વડોદરા સીટી પોલીસના પોલીસ અધિકારી તેમજ કર્મચારીઓ એ વડોદરા સીટી પોલીસ નું નામ ગુજરાત માં રોશન કર્યું છે.વિજેતાઓને શહેર પોલીસ કમિશનર તથા ઉચ્ચ અધિકારીઓ એ અભિનંદન આપ્યા છે.
આ વિજેતા જવાનો અને અધિકારીઓ એ પોલીસકર્મીઓ એ હંમેશા શરીરની ચુસ્તી અને સ્ફૂર્તિ જાળવવી જોઈએ તેવો પ્રેરક સંદેશ આપ્યો છે.તેની સાથે રમતમાં પ્રવીણતા પોલીસ દળમાં પ્રવેશ સરળ બનાવે છે એવો સંદેશ પોલીસ ભરતીમાં ભાગ લેનારા યુવા સમુદાયને આપ્યો છે.