રાજ્યમાં પ્રથમ વખત વડોદરામાં સેવા મનોરથ સમિતી (SMS) દ્વારા પ્રથમ વખત આંગણવાડીમાં પ્રોજેક્ટ ટેક ઉડાન શરૂ કરવામાં આવ્યો છે. જે અંતર્ગત આંગણવાડીમાં ભણતા બાળકો માટે ઇન્ટરનેટ સહિત કોમ્પ્યુટર લેબ ખોલવામાં આવી છે. આયોજક દિપ પરીખ જણાવે છે કે, વિદ્યાર્થીઓ પાઠ્યપુસ્તકની સાથે કોમ્પ્યુટર થકી ઝડપથી શીખે, અને તેમના ઉજ્જવળ ભવિષ્યનો પાયો નાંખશે તેવો અમને વિશ્વાસ છે. વડોદરામાં અગોરામોલ પાછળ આવેલી આંગણવાડીમાં રાજ્યની પ્રથમ કોમ્પ્યુટર લેબ શરૂ કરવામાં આવી છે

સેવા મનોરથ સમિતી (SMS) ના ફાઉન્ડર દિપ પરીખ જણાવે છે કે, રાજ્યમાં પ્રથમ વખત આંગણવાડીમાં અમારા દ્વારા કોમ્પ્યુટર લેબ શરૂ કરવામાં આવી છે. આ લેબમાં વિદ્યાર્થીઓ માટે હાલ બે કોમ્પ્યુટર સિસ્ટમ મુકવામાં આવી છે. આ કોમ્પ્યુટર સિસ્ટમ થકી શરૂઆતના સમયમાં બાળકો પશુ-પક્ષી, શાકભાજી, ફળો, વિવિધ રંગો, એબીસીડી જેવા વિષયો અંગે જાણશે. અમારો ઉદ્દેશ્ય સ્પષ્ટ છે કે, જેમ બાળકો પાઠ્ય પુસ્તકોના માધ્યમથી ભણવા-ગણવાનું શીખે, તે જ રીતે કોમ્પ્યુટરનો ઉપયોગ કરીને તેમના જ્ઞાનને વધુ સુદ્રઢ બનાવે. બાળકો સમજણા થાય તે ઉંમરથી કોમ્પ્યુટરનો સદઉપયોગ કરતા શીખે તો તેઓને ભવિષ્યમાં વધુ સારી રીતે આગળ વધમાં મદદરૂપ થઇ શકે છે, આ વાતનો અમને વિશ્વાસ છે.

દિપ પરીખ જણાવે છે કે, રાજ્યમાં આ પ્રકારનો પ્રયોગ અમે પ્રથમ વખત કરી રહ્યા છે. ટુંક સમયમાં શહેરમાં અન્ય 4 જેટલી આંગણવાડીઓમાં આ પ્રકારે કોમ્પ્યુટર લેબ શરૂ કરવાનું અમારૂ પ્લાનીંગ છે. અમારી કોમ્પ્યુટર લેબમાં ઇન્ટરનેટની સુવિધા પણ હશે, જેથી બાળકો કોમ્પ્યુટર સાથે ઇન્ટરનેટનો પણ ઉપયોગ કરવાનું શીખશે. આ માટે અનુભવી શિક્ષકની નિમણુંક કરવામાં આવી છે. હાલ આંગણવાડીમાં 2 કોમ્પ્યુટર ડિવાઇઝ મુકવામાં આવ્યા છે. આવનાર સમયમાં જરૂર પ્રમાણે તેમાં વધારો કરવામાં આવશે

સ્થાનિક કોર્પોરેટર ડો. રાજેશ શાહ જણાવે છે કે, સેવા મનોરથ સમિતિ (SMS) દ્વારા રાજ્યમાં પ્રથમ વખત સેવા વસ્તીમાં આવેલી આંગણવાડીમાં મુકવામાં આવેલા ઈન્ટરનેટની સુવિધા સાથેના કોમ્પ્યુટર નાના ભૂલકાઓના ઘડતરમાં ટેકનોલોજીનો મહત્વનો પાયો નાખશે. આવનાર સમયમાં તેના સુખદ પરીણામો આપણી સમક્ષ હશે. દીપ પરીખ અને તેમની ટીમના આ પ્રયાસની સરાહના કરીએ તેટલી ઓછી છે.

શાળાએ જતા બાળકોને શિષ્યવૃત્તિ આપવાનું પણ આયોજન

પ્રોજેક્ટ પ્રોજેક્ટ ટેક ઉડાન અંતર્ગત મુકવામાં આવેલા કોમ્પ્યુટર્સનો આંગણવાડીમાં ભણતા વિદ્યાર્થીઓ ઉપયોગ કરશે. તે બાદ પીએમ આવાસ યોજનામાં રહેતા અને શાળામાં ભણતા વિદ્યાર્થીઓેને પણ કોમ્પ્યુટરનું જ્ઞાન આપવામાં આવનાર છે. તે દરમિયાન ટેલેન્ટેડ વિદ્યાર્થીઓને અલગ તારવામાં આવશે. અમારા દ્વારા આવા ટેલેન્ટેડ 5 વિદ્યાર્થીઓને પ્રોફેશનલ કોર્ષમાં એડમિશન શિષ્યવૃત્તિના ભાગરૂપે કરાવી આપવામાં આવશે.

ભારતમાં કોવિડ-19ના નવા JN.1 વેરિઅન્ટનો પ્રથમ કેસ સામે આવ્યો છે. કેન્દ્રીય આરોગ્ય સચિવ સુધાંશ પંતે રાજ્યો/કેન્દ્રશાસિત પ્રદેશોને એક પત્ર પાઠવીને દેશમાં કોવિડની સ્થિતિ પર સતત સતર્કતાની સ્થિતિ જાળવવાની જરૂરિયાત પર ભાર મૂક્યો હતો. તેમણે ભારપૂર્વક જણાવ્યું હતું કે, “કેન્દ્ર અને રાજ્ય સરકારો વચ્ચે સુસંગત અને સહયોગી કામગીરીઓને કારણે અમે આ માર્ગને સ્થાયી નીચા દરે જાળવી શક્યા છીએ.” રાજ્યોને કોવિડ -19 માટે સુધારેલી સર્વેલન્સ વ્યૂહરચના માટે વિગતવાર ઓપરેશનલ માર્ગદર્શિકાઓનું અસરકારક પાલન સુનિશ્ચિત કરવા માટે જણાવ્યું.

કોવિડ-19 એડવાઈઝરી

• રાજ્યોએ તમામ આરોગ્ય સુવિધાઓમાં જિલ્લાવાર ઈન્ફલ્યુએન્ઝા જેવી બીમારી (આઈએલઆઈ) અને ગંભીર તીવ્ર શ્વસન બિમારી (એસએઆરઆઈ) કેસોની દેખરેખ રાખવા અને રિપોર્ટ કરવો. જેમાં ઇન્ટિગ્રેટેડ હેલ્થ ઇન્ફોર્મેશન પ્લેટફોર્મ (આઇએચઆઇપી) પોર્ટલનો સમાવેશ થાય છે, જેથી કેસોના પ્રારંભિક વધતા વલણને શોધી શકાય.
• રાજ્યોને કોવિડ -19 પરીક્ષણ માર્ગદર્શિકા મુજબ તમામ જિલ્લાઓમાં પર્યાપ્ત પરીક્ષણની ખાતરી કરવા અને RTPCR અને એન્ટિજેન પરીક્ષણોમાં ભલામણ કરવામાં આવેલા હિસ્સાને જાળવવાની સલાહ.
• રાજ્યોને RTPCR પરીક્ષણોની સંખ્યામાં વધારો કરવા અને જીનોમ સિક્વન્સિંગ માટે સકારાત્મક નમૂનાઓ ભારતીય સાર્સ કોવ -2 જિનોમિક્સ કન્સોર્ટિયમ (આઇએનએસએસીઓજી) પ્રયોગશાળાઓમાં મોકલવા.  જેથી દેશમાં નવા વેરિએન્ટ્સ, જો કોઈ હોય તો, સમયસર શોધી શકાય.
• રાજ્યોએ પણ કોવિડ -19 ના સંચાલનમાં તેમનો સતત ટેકો મેળવવા માટે સમુદાય જાગૃતિને પ્રોત્સાહન આપવું જોઈએ, જેમાં શ્વસન સ્વચ્છતાના પાલનનો પણ સમાવેશ થાય છે.

દેશભરમાં દિવાળીની અલગ જ રોનક જોવા મળી રહી છે. આ પર્વ નિમિત્તે રોશની કરવી, નવા કપડાં ખરીદવા માટે માર્કેટમાં કિડીયારૂ ઉભરાય છે. ત્યારે આ પર્વ પર મીઠાઇ ખાઇ અને ખવડાવીને મીઠી શુભેચ્છાઓ પાઠવવાનું ચલણ હાલના દિવસોમાં વધ્યું છે. ત્યારે વડોદરાના જાગૃત નાગરિક દ્વારા કારેલીબાગ વિસ્તારમાં આવેલા મુક્તાનંદ સર્કલ પાસે હનુરામ સ્વીટ્સના સ્ટોલ પરથી મીઠાઇ ખરીદી હતી. દિવાળી પર્વ પર ખરીદેલી મીઠાઇની એકસપાયરી ડેટ એક અઠવાડિયામાં પુર્ણ થતી હોવાથી તેઓ આશ્ચર્યમાં મુકાયા હતા. આ અંગે સ્ટોલ પર જવાબદાર વ્યક્તિને પુછતા તેણે ઉડાઉ જવાબ આપતા કહ્યું કે, આટલું તો ચાલે જ ને.

કારેલીબાગ વિસ્તારમાં રહેતા જાગૃત નાગરિક દિપ તેમના અનુભવને લઇને જણાવે છે કે, દિવાળી પર્વ પર દર વર્ષે હું મોટા પ્રમાણમાં મીઠાઇ ખરીદું છું. અને સ્વજન અને અત્યંત નિકટના લોકોને ભેંટ સ્વરૂપે આપું છું. આજે સવારે શહેરના મુક્તાનંદ સર્કલ પાસે આવેલા હનુરામ સ્વીટ્સના કાઉન્ટર પરથી મીઠાઇના બોક્સ ખરીદ્યા હતા. બોક્સ ખરીદીને ઘરે લાવ્યા બાદ જોયું તો મોટાભાગના બોક્સ પરની એક્સપાયટી ડેટ લાભપાંચમ પહેલાની છે. એટલે કે મારે એક અઠવાડિયામાં બઘાયને પહોંચાડવી પડે. અને ત્યાર બાદ જે તે વ્યક્તિએ તેને ખાઇ લેવી પડે. એક અઠવાડિયા બાદ તે ખાવાલાયક ન રહે. આપણે મીઠાઇની ખરીદી વખતે કિંમત ખાસ જોતા હોઇએ છે. પરંતુ તેની એક્સપાયરી ડેટ નથી જોતા હતા. પરંતુ આજના કિસ્સા પરથી મારી તમામને અપીલ છે કે, એક્સપાયરી ડેટ જોવાનું રાખે નહિ તો ભુલમાં કોઇ બિનઆરોગ્યપ્રદ મીઠાઇ આરોગી જાય તો તે આપણા માથે આવે.

આ સાથે જ જ્યારે એક્સપાયરી ડેટ અંગે મેં સ્ટોલ પર જવાબદાર વ્યક્તિનું ધ્યાન દોર્યું તો તેણે ઉડાઉ જવાબ આપતા કહ્યું કે, આટલું તો ચાલે જ ને. ખાદ્ય પદાર્થોમાં આ પ્રકારની અચોક્સાઇ બિમારી નોતરી શકે છે. આ અંગે મારા મિત્રનું ધ્યાન દોરતા તેણે કહ્યું કે, આ પ્રકારની ગફલત કોર્પોરેટ ગિફ્ટમાં પણ ચાલે છે. હવે માત્ર માર્કેટિંગના જોરે મિઠાઇનો ધંધો કરનારાઓથી લોકોએ ચેતવું જોઇએ. અને એક્સપાયરી ડેટ જોઇને જ ખરીદી કરવી જોઇએ, નહિ તો પૈસા પડવાની સાથે સંબંધો પણ ગુમાવવા પડી શકે છે.

વડોદરાના રાવપુરા પોલીસ સ્ટેશન વિસ્તારમાં આવેલા દાંડિયાબજારમાં રહેતા શખ્સનો ત્રાસ એ હદે વધી ગયો છે કે, તે પાર્ક કરેલી કાર પર ઉપરથી પથ્થર અને લાકડાનું માળખું ફેંકી રહ્યો છે. આ ઘટના સ્પષ્ટ રીતે સીસીટીવીમાં જોઇ શકાય છે. આ અંગે રાવપુરા પોલીસ સ્ટેશન કારના નુકશાનનો ભોગ બનનારે રાવપુરા પોલીસ સ્ટેશનમાં અરજી કરી આરોપી વિરૂદ્ધ કાયદેસરની કાર્યવાહી કરવા માંગ કરી છે. 26, ઓક્ટોબરના રોજ કરવામાં આવેલી અરજી બાદ હજી સુધી કોઇ કાર્યવાહી કરવામાં નહિ આવી હોવાનું અરજદાર જણાવી રહ્યા છે.

https://www.instagram.com/reel/CzBKu2voBh5/?igshid=MzRlODBiNWFlZA==

વડોદરાના રાવપુરા વિસ્તારમાં વિચીત્ર કિસ્સો સામે આવ્યો છે. જે અંગે દાંડિયાબજારના નવરંગ કોમ્પલેક્ષ પાસે આવેલા રામ ચેમ્બર્સમાં રહેતા આશિષકુમાર ઠક્કર દ્વારા રાવપુરા પોલીસ મથકમાં અરજી કરીને પરેશાન કરનાર આરોપી વિરૂદ્ધ કાયદેસરની કાર્યવાહી કરવા માંગ કરી છે. 26, ઓક્ટોબરના રોજ કરવામાં આવેલી અરજીમાં જણાવ્યા અનુસાર, હું રામ ચેમ્બર્સમાં રહું છું. મારી કાર રામ ચેમ્બર્સ નીચે પાર્ક કરી હતી. 20, ઓક્ટોબરના રોજ સવારે જોતા મારી કારને નુકશાન થયું હતું. જે અંગે સીસીટીવી તપાસતા રાત્રે 3 – 50 કલાકે ઉપરથી પથ્થર ફેંકવામાં આવ્યો હોવાનું જાણવા મળ્યું હતું. રામ ચેમ્બર્સમાં રહેતો પુનિત નામનો શખ્સ આવી કરતુત કરતો હોય છે. આ પહેલા ફ્લેટમાં રહેતા તુલસીદાસ જેસ્વાણી દ્વારા રાવપુરા પોલીસ સ્ટેશનમાં કારને નુકશાન થયા અંગેની અરજી કરી હતી.

અરજીમાં જણાવ્યા પ્રમાણે રામ ચેમ્બર્સમાં રહેતા તમામ પુનિતથી પરેશાન છે. આ અંગે તેની માતાને ફરિયાદ કરતા તેમણે જણાવ્યું કે, મારો પુત્ર મારા દિમાગ નથી. તે મંદબુદ્ધી ધરાવે છે. પણ અમને તે વિકૃત સ્વભાવનો હોય તેવું લાગી રહ્યું છે.

સીસીટીવીમાં પુનિત અગાસીમાં જતો અને પરત નીચે ઉતરતો જોવા મળી રહ્યો છે. પુનિત દ્વારા કરવામાં આવેલા કૃત્યથી સોસાયટીના રહીશો ગભરાયેલા છે, અને ક્યારે પણ જીવલેણ બનાવ બની શકે છે. આવી માનસીકતાધરાવતા વ્યક્તિ પર પગલા ભરી અને ફરી આવું કૃત્ય ન કરે તે માટે તકેદારીના પગલા ભરવાનો અરજીમાં ઉલ્લેખ છે.

અરજી મુજબ, પુનિતનું પોતાનું ઘર નથી. તેના મામાનું ઘર છે. તે મુળ નડિયાદનો છે. તેના આવા કૃત્યોના કારણે તેના પિતાએ તેને કાઢી મુકેલો છે. તેને આમ કરતા અટકાવતા તે મને ખોટા કેસોમાં ફસાવી દેવા જણાવી રહ્યો છે. હવે આ મામલે ઉજાગર થતા પોલીસ શું કાર્યવાહી કરે છે તેના પર સૌ કોઇની નજર રહેલી છે.

મહત્વનું છે કે, રામ મંદિરના આંદોલન પર એક ફિલ્મ બનાવવામાં આવી રહી છે, જેના મુખ્ય પાત્રમાં દૂરદર્શન પર પ્રસારિત થઈ ચૂકેલી ‘રામાયણ’ સિરીયલના અરૂણ ગોવિલ મુખ્ય ભૂમિકામાં નજરે પડશે. આ માટેનું શૂટિંગ શરૂ કરતા પહેલાં તેઓ રામલલ્લાના દર્શન અને પૂજા કરતાં જોવા મળ્યા હતા. શુક્રવારે (21 એપ્રિલે) અયોધ્યા નગરીમાં તેમનું આગમન થયું હતું ને 22 એપ્રિલ (શનિવારે) તેમણે ભગવાનની ધરતી પર શિશ ઝૂકાવ્યું હતું.

ફિલ્મનું શૂટિંગ મુખ્યત્વે એ જગ્યાએ કરવામાં આવી રહ્યું છે, જે રામ મંદિર આંદોલનનું મુખ્ય કેન્દ્ર હતું. સૂત્રોના મતે, ઢાંચાને નુકસાન પહોંચાડવા, મંદિર પર ચુકાદા અને ત્યારબાદ પ્રધાનમંત્રી નરેન્દ્ર મોદી દ્વારા રામ મંદિરના નિર્માણ માટે ભૂમિપૂજનના કાર્યક્રમને ફિલ્મમાં મુખ્ય જગ્યા આપવામાં આવી છે. આ ફિલ્મના શૂટિંગ માટે દિગંબર અખાડા, અચારી મંદિર અને દશરથ મહેલ સ્થાનની પસંદગી કરવામાં આવી છે. કારણ કે, આંદોલનમાં આ મંદિરોની મુખ્ય ભૂમિકા હતી.

વિશ્વ હિન્દુ પરિષદના મીડિયા પ્રભારી શરદ શર્માએ આ અંગે જણાવ્યું હતું કે, અરૂણ ગોવિલે શનિવારે સવારે 8 વાગ્યે રામલલ્લાના દર્શન અને પૂજા કરવાની સાથે સાથે મંદિર નિર્માણનું કાર્ય પણ નિહાળ્યું હતું. ત્યાંની અનેક તસવીરો પણ સામે આવી છે, જેમાં તેઓ તેમના ધર્મપત્નીની સાથે જોવા મળી રહ્યા છે. જોકે, હવે તેઓ ફરી અરૂણ ગોવિલ મોટા પડદા પર પરત ફરી રહ્યા છે. તે તેમના ફેન્સ માટે મોટી ભેટથી ઓછું નથી. બીજી તરફ તેમના પાત્ર અને રિલીઝ ડેટ અંગે કોઈ જાણકારી નથી.

મેં લોકલ પોલીસ સ્ટેશનમાં ફોન કરીને આ અંગે મદદ માંગી – નીરવ ઠકકર

સમગ્ર મામલે અટલાદર શેલ્ટર હોમનું સંચાલન કરતા અને શ્રવણ સેવાના ફાઉન્ડર નીરવ ઠકકર જણાવે છે કે, વડોદરાના પૂર્વ મેયર અને સાયજીગંજના ધારાસભ્ય કેયુરભાઈ રોકડીયા દ્વારા તેમના મેયર તરીકેના કાર્યકાળ દરમિયાન છેલ્લા દિવસે નિઃસહાય વૃદ્ધો માટે અટલાદર શેલ્ટર હોમના દરવાજા ખોલાવ્યાં હતા. શેલ્ટરમાં આશરો લઈ રહેલા ધીરુભાઈની ઉંમર આશરે 55 વર્ષ છે. તેઓ અવાર નવાર તેમના પરિવારને યાદ કરતા હતા. પછી મેં ધીરે ધીરે તેમની સાથે સંવાદ સાધીને પરિવાર વિષે વધુ જાણવાનો પ્રયાસ કર્યો. તેમની સાથે વાતચીત દરમિયાન તેમણે કહ્યું કે, તેઓનો પરિવાર વલસાડના ડુંગરી વિસ્તારમાં રહે છે. વાત જાણતા જ મેં લોકલ પોલીસ સ્ટેશનમાં ફોન કરીને આ અંગે મદદ માંગી હતી.

જ્યારથી મારા પિતા ગુમ થયા છે, ત્યારથી અમે અલગ અલગ જગ્યાઓએ જઈને માનતા રાખી રહ્યા છે

નીરવ ઠક્કરે જણાવ્યું કે, સ્થાનિક પોલીસે ધીરુભાઈની ઓળખ કરી લીધી હતી. અને તપાસમાં સામે આવ્યું કે ચોપડે ધીરુભાઈ પટેલ ત્રણ વર્ષથી લાપતા હતા. આજે ધીરુભાઈ પટેલને તેમનો પરિવાર પોલીસ સાથે રાખીને લેવા આવ્યો હતો. ધીરુભાઈની જોતા જ તેમના પુત્રોની આંખોમાં આંસુ આવી ગયા હતા. તેમના પુત્રએ જણાવ્યું કે, જ્યારથી મારા પિતા ગુમ થયા છે, ત્યારથી અમે અલગ અલગ જગ્યાઓએ જઈને માનતા રાખી રહ્યા છે. છેલ્લે ધીરે ધીરે અમે પણ આશા ગુમાવી રહ્યા હતા. પણ અચાનક પોલીસે સંપર્ક કરતા અમે 24 જ કલાકમાં અમારા પિતાને લઈ જવા આવ્યા છીએ. પુત્રએ તેમન પણ જણાવ્યું કે, ઘરમાં બોલાચાલી બાદ મારા પિતા નીકળી ગયા હતા. આજે ત્રણ વર્ષ બાદ તેઓ મળી આવતા અમારા જીવમાં જીવ આવ્યો છે.

પરિવારને જોઈને ધીરુભાઈ પણ લાગણીસભર થઈ રડી પડ્યા હતા

નીરવ ઠક્કરે વધુમાં ઉમેર્યું કે, પરિવારને જોઈને ધીરુભાઈ પણ લાગણીસભર થઈ રડી પડ્યા હતા. જતા જતા તેમને શ્રવણ સેવાની ટીમને આશીર્વાદ આપ્યા હતા. અને આ સેવા વર્ષોવર્ષ ચાલે, અનેક લોકોને તેમનો પરિવાર મળે તે માટે કાર્યરત રહે તેવી આશા વ્યક્ત કરી હતી. આ ખુશીના હકદાર શ્રવણ સેવા સંસ્થાની સાથે ધારાસભ્ય કેયુર રોકડીયા, પાલિકાના UCD ડિપાર્ટમેન્ટના ક્રિષ્નાબેન સોલંકી અને તેમની ટીમ તથા અમારી સાથે જોડાયેલા અન્ય સેવાભાવી લોકો પણ છે.

દોઢ મહિને નાનાભાઈ પરમારને પણ મળ્યો પરિવાર

નીરવ ઠક્કરના જણાવ્યા અનુસાર, શ્રવણ સેવાના શેલ્ટરમાં આશરો લઈ રહેલા નાનાભાઈ પરમાર દોઢ મહિનાથી ઘરેથી નીકળી ગયા હતા. પરત જવાનો કોઈ રસ્તો ન મળતા તેઓ નિઃસહાય જીવન વ્યતીત કરતા હતા. તેમને વાતચીતમાં તેમનો પરિવાર કોટમબીમાં રહેતા હોવાનુ જણાવ્યું હતું. સ્થાનિક પોલીસે ગ્રામપંચાયતનો સંપર્ક કરીને પરિવારની ભાળ મેળવી હતી. અને આજે તેઓને લેવા પહોંચ્યા હતા. આજે એક જ દિવસમાં બે લોકોને પરિવારનો ભેંટો થયો હતો. M)8000402870 Shravan Seva

દિવાળીની ઉજવણીના ભાગ રૂપે ‘બી ધ ચેન્જ’ અને M.S.U. બરોડાની ફેકલ્ટી ઓફ જર્નાલિઝમ એન્ડ કમ્યુનિકેશનનાં વિદ્યાર્થીઓ કચ્છ બોર્ડર પર તેનાત BSFનાં જવાનોને હાથથી બનાવેલા કાર્ડ્સ મોકલશે.પાછલા પાંચ વર્ષથી #Aabhar પ્રવૃત્તિનાં ભાગ રૂપે દેશની સીમાઓ પર તૈનાત જવાનોને કાર્ડ્સ મોકલાવામાં આવે છે. તા.૧૫/૧૦/૨૦૨૨ નાં રોજ મહારાજા સયાજીરાવ યુનિવર્સીટીની ફેકલ્ટી ઓફ જર્નાલિઝમ એન્ડ કોમ્યુનિકેશનનાં વિદ્યાર્થીઓએ જવાનો માટે કાર્ડ બનાવ્યા હતા.

ફેકલ્ટી ઓફ જર્નાલિઝમ એન્ડ કોમ્યુનિકેશનના સેનેટ સભ્ય અને બી ધ ચેન્જ ગૃપનાં ફાઉન્ડર સરલ પટેલે જણાવ્યું હતું કે,” ૨૦૧૬માં ઉરી હમલા બાદ અમને આ પ્રવૃત્તિ કરવાનો વિચાર આવ્યો. જેમાં દેશના જવાનો ભારત માતાની રક્ષામાં રાત દિવસ દેશની સીમાઓ પર તેનાત રહે છે,તેમનો હાથથી બાનાવેલા દિવાળી કાર્ડથી આભાર વ્યક્ત કર્યે. વર્ષ ૨૦૧૬માં ૭૫૦ કાર્ડ ઉરી ખાતે, ૨૦૧૭માં ૧૦૦૦ કાર્ડ કાશ્મીર ખાતે, ૨૦૧૮માં ૧૫૦૦ કાર્ડ બાલાકોટ ખાતે,2019 માં 2000 કાર્ડ કાશ્મીર અને કચ્છ ખાતે અને ૨૦૨૧માં ૩૦૦ કાર્ડ કચ્છ મોકલ્યા હતા. તેમણે વધુમાં જણાવ્યું કે,” આ વર્ષે #Aabhar 6.0 અંતર્ગત 500 થી વધુ કાર્ડ કચ્છ BSFનાં જવાનોને મોકલવામાં આવશે.”

M.S.U. ની ફેકલ્ટી ઓફ જર્નાલિઝમ એન્ડ કોમ્યુનિકેશનનાં વિદ્યાર્થી મોહિત ભોઈતે એ જણાવ્યું કે,”વર્ષો બાદ આપણા દેશના જવાનો માટે હાથથી કાર્ડ બનાવ્યાનો આનંદ અનેરો છે.સાથે જ યુવા પેઢીએ આવી પ્રવૃત્તિમાં જોડાવું જોઈએ .આપણે તો દેશની સેવામાં દિવસ રાત ઉભા નથી રહી શકતા, પણ એક કાર્ડથી તેમનો આભાર વ્યક્ત કરી શક્યે છે.”

ફેકલ્ટી ઓફ જર્નાલિઝમ એન્ડ કોમ્યુનિકેશનનાં વિદ્યાર્થીઓએ આનંદ પૂર્વક ભાગ લીધો અને 500 થી વધુ કાર્ડ બનાવ્યા. સંસ્કારી નગરી વડોદરા થી શરૂ થયેલ પહેલ, સતત છ વર્ષથી દિવાળીની શુભેચ્છાઓ દેશની સીમાઓ પર આભાર થકી પહોંચાડી રહી છે.

જો તમે પણ તમારા તમારા બનાવેલ કાર્ડ આપવા માંગતા હોવ તો સોમવાર સુધી તમે અમને ઇન્સ્ટાગ્રામ કે ફેસબુક પર મેસજ કરી શકો છો.

પાર્થ બી. પંડ્યા (WatchGujarat).રાજ્યભરમાં યોજાયેલી પાલિકાની ચૂંટણીને ગતરોજ 1 વર્ષ પૂર્ણ થયું છે. ત્યારે વડોદરાવાસીઓના મતથી ચૂંટાઈને આવેલા કોર્પોરેટર કેટલા સક્ષમ છે તેવી અનેક કરતૂતો સામે આવી ચૂકી છે. ભાજપના એક કોર્પોરેટર પર પ્રધાનમંત્રી આવાસ યોજનામાં પોતાના મળતીયાઓને ઘર અપાવવાના આરોપ લાગ્યા છે તો ભાજપના એક કોર્પોરેટરે વેરાન વગડા જેવી પોતાની જગ્યાની બાજુમાં પાક્કો રોડ બનાવી પોતાની જમીનના ભાવ ઊંચા કરી દીધા છે. ત્યારે હવે મહિલા કોર્પોરેટર છાયા ખરાદીની પુત્રીએ તો એક વૃદ્ધની સેવા ચાકરી કરી હોસ્પિટલ લઈ જવાનું કહી તેમની વિલ બનાવી સહી કરવી લીધી હોવાની ચોંકાવનારી ઘટના સામે આવી છે.

સમગ્ર ઘટનામાં ભોગબનનાર નિવૃત્ત જીવન ગાળતા ગોપાલભાઈ શાહે તેમની આપવીતી જણાવતા watch gujarat.com સાથે વાત કરતા કહ્યું કે, હું અજિતા નગરમાં રહું છું. મારી પત્નીનું વર્ષ 2015માં અવસાન થયું હતું. અમારે કોઈ સંતાન નથી. હાલના અમારા વિસ્તારના કોર્પોરેટર છાયાબેન ખરાદીને છેલ્લા 4 વર્ષથી ઓળખું છું. ચૂંટણી ટાણે ફેરનીમાં વધારે મળવાનું થતા તેમનો વધારે પરિચય થયો હતો. ત્યાર બાદ કોરોના કાળમાં હું વર્ષ 2021 માં બીમાર પડ્યો હતો. ઉંમર થવાને કારણે અશક્તિ વધારે રહેતી હતી. તેવામાં મેં છાયાબેન ખારાડીનો સંપર્ક કરીને તેમની મદદ માંગી હતી. બહેન અને તેમની દીકરીએ થોડાક સમય સુધી મદદ પણ કરી, તેઓ જમવાનું લાવી આપતા તથા જરૂરી દવાઓની વ્યવસ્થા પણ કરી આપતા હતા. ત્યાં સુધી બધું બરાબર ચાલ્યું હતું.

વધુમાં આરોપ મુકતા ગોપાલભાઈ શાહે જણાવ્યું કે મે, 2021 માં મારી તબિયત નાદુરસ્ત હતી અને શરીરમાં ભારે અશક્તિ રહેતી હતી ત્યારે છાયાબેન મને હોસ્પિટલ લઈ જવાનું કહીને કુબેર ભવન લઈ ગયા હતા. જ્યાં કુબેર ભવનના છઠ્ઠા મળે તેમની પુત્રી નીતિ ખરાદી હાજર હતી અને છાયા બેન અને તેમના પતિ નીચે હાજર હતા. ત્યાં દસ્તાવેજો પર સહી કરવી લીધી હતી. ત્યાર બાદ મને પરત મૂકી ગયા હતા. આ વાતને થોડાક દિવસો વીત્યા ત્યાં તેમણે મને કીધું કે તમારું વિલ બનાવી દીધું છે. આ સાંભળીને મારા પગ નીચેથી જમીન સરકી ગઈ. મેં તરત જ કહ્યું કે કોઈની જાણ બહાર વિલ બનાવવું ફોજદારી ગુનો બને છે. તારે એવું ના કરવું જોઈએ. જો કે સાચી સમજ આપ્યા બાદ તેઓનું મારા તરફનું વર્તન બદલાઈ ગયું. અને મને ઊંધા છત્તા જવાબ આપવાનું શરૂ કરી દીધું. અત્યાર સુધી મને મારી જાણ બહાર બનાવેલી વિલની કોઈ કોપી મળી ન હતી. વિલમાં ત્રણ માળનું ઘર, ફિક્સ ડિપોઝીટ, સેવિંગ એકાઉન્ટ, તથા હાલની રકમ – દગીનનો ઉલ્લેખ છે. વિલમાં ગોપાલભાઈના મૃત્યુ પછી તમામની હકદાર નીતિ રાજેન્દ્ર ખરાદી હોવાનું લખવામાં આવ્યું હતું.

વાત આટલેથી નહીં અટકતા વધુમાં ગોપાલભાઈ શાહે ઉમેર્યું કે, હું મારા ઘરમાં વીંટી, ફિક્સ ડિપોઝીટ અને તિજોરીની ચાવી એક ડોલચામાં મૂકી રાખતો હતો. તે પણ ગાયબ છે. મેં અનેક વખત બેનને કહ્યું કે તમે જે કર્યું તે ખોટું છે પણ તેઓ કોઈ મચક આપતા ન હતા. આખરે મારાથી ન રહેવાયું એટલે મેં અમારા જ વિસ્તારની કોર્પોરેટરોની પેનલમાં આવતા ડો. રાજેશ શાહને જાણ કરી. તેઓએ તુરંત આ મામલે મનુભાઈ ટાવર કાર્યાલય ખાતે શહેર ભાજપ પ્રમુખ ડો. વિજય શાહનો સંપર્ક કરવાનું સૂચન કર્યું હતું.

ગોપાલભાઈ શાહ વધુમાં ઉમેર્યું કે, ડો. વિજય શાહને જાણ કરવા હું કાર્યાલય પહોંચ્યો હતો. ત્યારે તેમણે મારી વાત સાંભળી અને મને 2 દિવસ રોકવવા માટે કહ્યું. બે દિવસ બાદ મને મારી જાણ બહાર કરવામાં આવેલી વિલની કોપી મળી હતી. ત્યાર બાદ છાયાબેન ખરાડીના પતિએ મારા ઘરે આવી કહ્યું કે બોલો વિલનું શુ કરવું છે ? મેં કહ્યું કે કેન્સલ જ કરાવવી પડે બીજું કંઈ નહીં. ત્યાર બાદ મને કારમાં લઈ જઈ વિલ કેન્સલ કરાવવા માટે દસ્તાવેજી પ્રક્રિયા કરી. આજે વિલ કેન્સલ થયાના દસ્તાવેજો થઈ ગયા છે.

ગોપાલભાઈએ ખાલી ડોલચુ બતાવીને કહ્યું કે, આમાં હું વીંટી, તિજોરીની ચાવી અને ફિક્સ ડિપોઝીટ મુકતો હતો. આજે ખાલી છે. આ અંગે પૂછતાં ગોળ ગોળ જવાબ આપે છે. હજી પણ તિજોરીની ચાવી પરત મળી નથી. 5 લાખની ડિપોઝિટના કોઈ ઠેકાણા નથી. વીંટીઓ અંગે કઈ પૂછું તો જવાબ મળે છે કે, શુ હું બજારમાંથી લઈને તમને પછી આપું.

આ ડોલચામાં કાકા ઘરની તિજોરીની ચાવી, એફ.ડી. સહિતની અગત્યની ચીજવસ્તુઓ મુકતા હતા. જે આજે ખાલી છે.

ગોપાલભાઈ શાહની જાણ બહાર 20/052021 ના રોજ વિલ બનાવી લેવામાં આવી હતી. આ અંગે 27/08/21 ના રોજ પોલીસમાં રજીસ્ટર એડી કરીને હરણી પોલીસ સ્ટેશનમાં લેખિત ફરિયાદ મોકલી હતી. ત્યાર બાદ તેમનો જવાબ લેવામાં આવ્યો હતો પછી કોઈ કાર્યવાહી નહિ થઈ હોવાનું તેમને જણાવ્યું છે. ડો. વિજય શાહને મળ્યા બાદ ગોપાલભાઈ શાહની વિલને રદબાતલ કરાવવાનો વધુ એક દસ્તાવેજ થયો હતો. જેની એન્ટ્રી 08/09/21 ના રોજ પાડવામાં આવી છે. સમગ્ર મામલે ગોપાલભાઈએ મુખ્યમંત્રી કાર્યાલયને પણ પત્ર લખ્યો છે. જે અંગે હજી સુધી કોઈ કાર્યવાહી થઈ નથી. આજે હરણી પોલીસના જવાનોએ ગોપાલભાઈની મુલાકાત લીધી હોવાનું તેઓએ જણાવ્યું છે.

અત્રે ઉલ્લેખનીય છે કે, વડોદરામાં ચૂંટાયેલા કોર્પોરેટર કાયદા અને કાનૂન થી પર હોય તેવો વ્યવહાર કરી રહ્યા છે. જે શહેર માટે અત્યંત જોખમી છે. જો આ રીતે કોર્પોરેટરોને છુટ્ટો દોર મળી જશે તો શહેરની શુ દશા થશે તેનો અંદાજો લગાડવો મુશ્કેલ છે.

Source : WatchGujarat.com

Story by : Aravind Chaudhari , P.C : Umesh Gavit

આદિવાસીઓ સદીઓથી પ્રકૃતિ ને પૂજતા આવ્યા છે. પોતાની કલા અને સંસ્કૃતિના સાચા ઘડવૈયા કહેવાયા છે. હવે તો સમય વિજ્ઞાન અને ટેકનોલોજીનો હોવા છતાં પણ કુદરતી આવડતથી પર નથી.જેમકે કોઈ ક પક્ષીની જેમ પોતાની આવડતથી બનાવેલા માળાને વિખેરતા એની આવડત આપણને પણ ભૂલભૂલામણીમાં મૂકી દે એમ છે.તેવી જ રીતે ઘોઘડા ચોમાસાની ઋતુ આવતાની સાથે વરસાદના રક્ષણ માટે વાંસમાંથી બનાવવામાં આવે છે.

જાણો કેવી રીતે બને છે આ આદિવાસી ઘોઘડું?

વાંસને કાપ્યા બાદ તેમાંથી નાની પાતળી ચિપ બનાવીને આજુબાજુ લાકડાંના ટુકડા જમીનમાં દાટી દીધા બાદ વચ્ચેના ભાગમાં જાડી વાંસની ચિપ મૂકી આ રીતનું ઘોંઘડું બનાવવાય છે.

ઘોંઘડું બની ગયા બાદ કેસુડા(ખાખરો)ના પાંદડાથી તેને સિવવામાં આવે છે. તેના ઉપર જંગલ માંથી વેલાઓ લાવી પાણીમાં પલાળીને મજબૂત બાંધી દેવામાં આવે છે.તથા દોરી વડે પણ બાંધવામાં આવે છે.

ઘોઘડું તૈયાર થયા પછી ઓછામાં ઓછા ત્રણ-ચાર વર્ષ સુધી એને ઉપયોગમાં લઇ શકાય છે.તથા આપણે કેવી રીતે ઉપયોગ કરી એને સાચવ્યે એના પર ઘોઘડા નો ટકાવ રહેલો છે.

વર્તમાન મોંઘવારીના સમયમાં બજારમાં ઉપલબ્ધ એક નાની છત્રી લેવા જોઈએ ત્યાં 200 રૂપિયા કે તેથી વધુ કિંમત હોય છે. અને એ છત્રીનો ટકાવ એક વર્ષમાં ફાટી,તૂટી જાય છે.અને દર વર્ષે નવી ખરીદવાનો વારો આવે છે. ત્યારે ઘોઘડું એક વખત બનાવ્યા બાદ ત્રણ-ચાર વર્ષ સુધી કોઈ જવું ના પડે.તેમજ વધુ પવન-વરસાદ સાથે આવતા છત્રીથી સુરક્ષિત રહેવાતું નથી.તેવા સમયે જો નાના બાળક હોય તો ના એ છત્રીને સાચવી શકે કે ના પોતાને એવી સ્થિતિ સર્જાઈ. પરંતુ ઘોઘડું માં છત્રી કરતા ઘોઘડુંમાં વધુ સુરક્ષા મળે છે.માટે ઘણા વર્ષો પસાર થયા છતાં પણ હજી ઘોઘડાની જાળવણી થઈ રહી છે.

•  જીવન ટુંકાવનાર પારૂલ યુનિવર્સિટીનો વિદ્યાર્થી મુળ બનાસકાંઠાનો હતો
• વિદ્યાર્થી પારુલ યુનિવર્સટીમાં કમ્પ્યુટર એન્જીન્યરીંગના ત્રીજા વર્ષમાં અભ્યાસ કરતો હતો
• વિદ્યાર્થી ત્રણ દિવાસ અગાઉ જ ભાડાના મકાનમાં રહેવા આવ્યો હતો
• પ્રાથમિક તપાસમાં આપઘાતનું કોઈ ચોક્કસ કારણ મળ્યું નથી

વડોદરા શહેરના વાઘોડિયા વિસ્તારમાં આવેલી પારુલ યુનિવર્સિટીમાં ભણતા વિદ્યાર્થીએ અગમ્ય કારણોસર ગઈ કાલે ગળે ફાંસો ખાઈને જીવન ટુંકાવતા ચકચાર મચી જવા પામી હતી. વિદ્યાર્થી મુળ બનાસકાંઠાનો હતો અને અહિંયા ભાડાના ઘરમાં રહેતો હતો. સમગ્ર મામલાની જાણ થતા પાણીગેટ પોલીસ સ્ટેશનનો સ્ટાફ ઘટના સ્થળે દોડી ગયો હતો. અને વધુ કાર્યવાહી શરૂ કરી દીધી હતી.

ઘટના અંગે પ્રાપ્ત વિગતો અનુસાર, યશ ઈશ્વરભાઈ પટેલ ઉ.(20વર્ષ) મૂળ બનાસકાંઠાનો રહેવાસી હતો અને વડોદરાની પારુલ યુનિવરસિટીમાં કમ્પ્યુટર એન્જીન્યરીંગનો કોર્સ કરતો હતો. યશ ત્રણ દિવસ અગાઉ જ વડોદરાના પ્રભાત ચાર રસ્તા પાસે આલોક સોસાયટીમાં ભાડાના મકાનમાં બે મિત્રો સાથે રહેવા આવ્યો હતો. ગત 25 જુલાઇના રોજ બપોરના આરસામાં યશના બે મિત્રો કોઈ કામથી બાર ગયા હતા. અને મિત્રો ઘરે પરત ફરતા ઘરનો દરવાજો અંદરથી લોક હતો. તે બંને એ દરવજો ખોલવાનો ઘણો પ્રયત્ન કર્યો પણ તે દરવાજો ખોલી શક્ય ન હતા. છેવટે ઘરના ઉપરના માળે રહેતા મકાન માલિકને સમગ્ર ઘટના અંગે જાણ કરવામાં આવી હતી.

ત્યાર બાદ મકાનમાલિક અને બંને મિત્રોએ થઇને સળિયા વડે દરવાજો ખોલી નાંખ્યો હતો. અને ઘરમાં જોતા જ યશ ગળે ફાંસો ખાધેલી હાલતમાં જોવા મળ્યો હતો. જેના પગલે પોલીસને જાણ કરતા ઘટના સ્થળે પોલીસ દોડી આવી હતી અને મૃતહેદને એસ.એસ.જી ખાતે પોસ્ટમોર્ટમ માટે મોકલી આપી હતી.

પોલીસ સુત્રના જણાવ્યા અનુસાર, આપઘાતનું કોઈ ચોક્કસ કારણ મળ્યું નથી. આ મામલે એ જોવાનું રહે છે કે યશે કોઈના દબાવમાં આવી ને આપઘાત કર્યો છે? કે કોઈ પ્રેમપ્રકરણ હતું? આવા અનેક પ્રશ્ન મનમાં ઉદ્ભવી રહ્યા છે. યશ ત્રણ દિવસ અગાઉ જ ભાડાના મકાનમાં રહેવા આવ્યો હતો અને ત્રણ દિવસની અંદર એવું તો શું બન્યું કે તે આપઘાત કરવા પર મજબુર થઇ ગયો. આ વિશે પોલીસ તાપસ કરી રહી છે. પરંતુ પ્રાથમિક તાપસમાં આપઘાતનું કોઈ ચોક્કસ કારણ મળ્યું ન હતું. પોલીસ તપાસ બાદ સમગ્ર મામલે વધુ સ્પષ્ટ થશે. હાલ સમગ્ર મામલે પોલીસ દ્વારા ઝીણવટભરી તપાસ હાથ ધરવામાં આવી રહી છે.